விமான விபத்து: 18 பேர் பலி

  இந்தோனேசியா நாட்டின் மேற்கு பகுதியில் இன்று அதிகாலை சிறியரக விமானமொன்று விபத்துக்குள்ளானதில் அதில் பயணித்த 18 பேரும் உயிரிழந்தனர்.

அந்நாட்டின் பகோராக் என்ற கிராமத்தில் விமானம் தரையில் விழுந்து நொறுங்கியுள்ளது.

விமான விபத்து குறித்து பகோராக் கிராம மக்கள் தகவல் கொடுத்த பிறகே அதிகாரிகளுக்கு தெரிய வந்தது. இதனால் மீட்பு பணிகள் மிகவும் தாமதமாக தொடங்கின.

இவ் விபத்துக்கான காரணம் தொடர்பில் பொலிஸார் விசாரனைகளை நடத்தி வருவதாகத் தெரிவிக்கப்படுகின்றது.

இந்தோனேசியாவில் நேற்று ஏற்பட்ட ஒரு படகு விபத்தில் 20-க்கும் மேற்பட்டவர்கள் பலியாகியமை குறிப்பிடத்தக்கது.